以下為整合之商家資料：

【只屬傳言】
網友報料指： 琴晚同朋友兩個女仔著住黑衫想去始創衛信買2部手機, 果時 6:40pm 入到去, 搵左個男Sales直接同佢講要買2部 iPhone 11。 個男Sales原本都笑笑口冇乜野, 問要幾GB咩顏色, 講完之後佢就去櫃果邊同同事講左陣。 返到黎就面口都變哂, 話唔得閒要 serve 左隔離個白衫女人先, 好啦咁就等佢 serve 埋先, 然後白衫女人唔係買的問完野走左。 眼見佢繼續走去 sell 另一個冇搵佢的非黑衫男人, 而個男人亦都唔係買的。我地等左十分鐘, 我再走去問佢有冇？ 個男Sales就突然話收倒通知而家要落閘關門, 唔做生意！ 我話：「下？我地黎到已經即刻話要買, 我地而家即刻買2部都得, 突然落閘？」 男Sales依然話係呀, 我地 7:30pm 就要落閘關門唔賣喇！拜拜！佢立即轉身就走。 我同朋友只好離開企係門口, 但果時只係 6:53pm, 眼見頭先係店內既黑衫人全部唔見哂, 但個場既非黑衫人依然仲係度慢慢睇緊問緊野。 依家係咪唔做黑衫人生意呀？ #自我審查 #不知所謂 #美心2.0