Author: 陳妍茵
2020-01-13(Good & Bad Shops)
Details |
|
| Name | 麵屋元祖達摩 |
| Stance | 立場有爭議之商家 |
| Type | 飲食 |
| Address | 大埔太和路15號太和中心地下12號舖 |
| Sources | 終極黃藍地圖 |
以下為整合之商家資料:
【只屬傳言】
網友1報料指:
没有網址,只係個人親身經歷。件事發生得太快,嚟唔切拍片錄音。今日同男朋友去呢間野度食拉麵,平時都有同男友去開呢間野,係幾好食,但而家唔去啦。頭先間野好多人,我地被安排坐喺bar枱,有個肥肥地三十歲左右嘅長頭髮嘅女侍應應承我地話有人走就比個卡位我地坐,但最終佢比咗個位其他遲過我地嚟嘅人坐
我問佢點解,佢話佢唔記得咗,然後諗住趕走一枱本身有兩個女仔嘅,讓個卡位比我地坐。
我唔想麻煩到佢地,拒絕咗佢地。
我覺得我好似好麻煩咁,想同個侍應解釋返點解我唔肯比人「讓座」,然後個女侍應就開始發脾氣,話「我已經幫緊你地解決問題啦,仲喺度嘈」我想同佢講唔係呢個問題。
個女侍應就突然好大聲咁同入面個男侍應講「過嚟啊,拍片啊!有暴徒想嚟搞事啊!!報警啊!!」
個男侍應就埋嚟好好好好好大聲咁凶我地「係咪想搞事啊?有位坐你就好坐啦!仲喺度嘈乜野」。我地唔想搞大件事,所以就走咗。咁抗拒暴徒嘅,唔係藍,冇理由係黃嘅。
【老闆/店員私下言論】
網友2報料指:
網友1講嗰個係我個朋友,喺達摩做咗兩年,仲有一個仲做緊不過唔想出樣,佢話大把同事讀大學兼黃,被抹黑做藍店
大致上個件事係個女侍應係店長,讓卡位係唔小心俾咗一對年紀大嘅夫婦,但係因為真係唔小心所以先唔記得調佢哋去卡位,之後有一個卡位係一pair女仔open rice食完好耐傾緊計,店長就問佢兩個可唔可以同bar台兩個調位,嗰兩個女仔話ok冇問題,然後投稿話達摩係藍點嘅女仔就發爛渣話一定要坐啱啱嗰個位,一直講,店長一直道歉,然後個女仔jer住係咁發爛渣
店長係冇講過任何暴徒之類嘅字眼
係咁啱另外一個男店員喺到就即刻衝出嚟一齊道歉,個女仔突然嬲到彈起身九十度鞠躬問店長:「你宜家則係話緊係我問題啦!」
成個過程個女仔隔離個男仔係冇出過聲,之後個女仔扯起個男仔撳住佢個頭話:「你同我一齊九十度鞠躬啦!」之後埋單個女仔同店長都係有拗撬,店長就叫個男店員出嚟拍片,有人搞事,咁講,男店員即刻衝出嚟大叫:「喂,你玩完未呀!我同事已經同你道歉咗好多次㗎啦,你仲想點呀!你食完嘢你仲搞,搞咩呀你!」
之後個女仔收咗皮,咿咿扲扲咁走咗,店長話在場嘅人都覺得個女仔怪怪哋,話個女仔癲癲哋好似特登攪事,之後店長keep住同open rice 個啲講係個女仔專登想攪事,呢件事係我投稿呢個時間之前個幾月發生,店長就話一直冇表態藍定黃都係打份工啫,大老細就有啲藍呢個真,個晚做樓面個女仔極深黃,仲有就係個晚啲食客其他嗰幾枱店長都算熟,有一枱店長唔熟嘅一家人之後埋單都話如果俾人唱衰會幫手澄清,冇夾埋造假,一直店長都冇主動澄清因為清者自清但係冇諗過個女仔咁卑鄙,我都去過食過幾次,店長好nice。
Last Updated: 2022-06-03
Good & Bad Shops
以下為整合之商家資料:【只屬傳言】網友1報料指: 平賣文具for連儂牆 網友2報料指: 嗰次買物料(大發泡膠,製成品位於大埔僆隧),老闆不斷呻示威遊行令店鋪入貨困難,主因在於貨源主要來自內地 雖然無響我面前講任何人身攻擊同昆蟲(我亦無話整隧道文宣用),但從立場同語氣睇,綠 P.S.:隔離嗰間文具店,我路過反而聽到老世話無有怕,泰國、越南照可入貨資料來源:http://bit.do/fx9nK
Good & Bad Shops
以下為整合之商家資料:【官方資訊】茶樂有限公司總部聲明: 對於員工在私人IG發表政治立場, 純粹個人意見, 與本公司無關, 此員工在公司是普通職員, 並不是老闆, 對此事件本公司深感抱歉🙏, 謝謝 !; 此人之前係油麻地店職員, 此人現已離職。謝謝對茶樂的關心, 香港🇭🇰, 加油💪資料來源:http://bit.do/fq9Cxhttp://bit.do/fq9CEhttps://lihk ...
Good & Bad Shops
以下為整合之商家資料:【只屬傳言】網友報料指: 有芭蕾舞朋友打去問佢係咪收7點,佢地話「睇下黑衣人想點啦,你係咪識佢地啊,我報警叫警察跟住你拉曬佢地啊」資料來源:https://www.instagram.com/p/B5An_D7AqA5/【官方資訊】官方 IG 聲明: 我們絕對不認同該員工對待客人的態度以及於工作時間抒發自己的政治意見,為他的言行影響本公司的聲譽,實在非常無奈!該員工即時被開除 ...